عجينة عيش السن و بقسماط السن و توست السن او توست الردة وكيزر السن

عجينة عيش السن و بقسماط السن و توست السن او توست الردة وكيزر السن

مكونات عجينة العيش السن
نص كيلو دقيق سن جاهز ، 25 جم زبدة ، 7 جم ملح ، 15 جم سكر، 5 جم محسن، 10 جم خميره، 15 جم كاكاو حسب الرغبه ، من
250 : 275 جم ميه للعجن حسب العجينه وتكون ناشفه


طريقة العجن
-نضع كل المكونات السابقة معا والميه تضاف تدريجيا حسب قوام العجينه لان لو حطينا ميه ممكن تاخد الى 300 جم وفى الحاله دى العيش هيبقى مش ماسك نفسه وما ينجحش
- نريح العجينه وبعدين اقسم العجين الى اجزاء
- اخذ قطعة من العجينة و ارش رشه رده وافرد عليها رغيف العيش بنشابة او المردانة او الفراده زى الصوره
- ثم اريح الرغيف بعد الفرد
- اسخن الصاج فى الفرن وتكون الحراره من فوق وتحت الحراره عاليه واحط الرغيف واسيبه لغايه ما يرتفع ويمسك نفسه اشيله واحط غيره وهكذا حتى يخلص العيش
- اهدى الفرن على درجه 150 درجه واحط كل العيش مره واحده علشان يتحمص
تركه الشيف احمد
- ممكن نستعمل دقيق عادى بس فى الحاله دى بنشيل من مقدار الدقيق 250 جم ونحط مكانهم رده ناعمه
- العجينه تكون ناشفه لان الرده بتاخد ميه كتير فالعيش بيريح ومش بيبقى كويس
- نحط الصاج ونسخن الفرن كويس محتاج درجه حراره عاليه علشان يرتفع
- بنحط كاكاو علشان يبقى لون العيش غامق

من نفس العجينة بنعمل البقسماط والتوست وكيزر السن

بس التوست لايتضاعف كثيرا مثل الدقيق العادي

بالنسبة للعيش الكيزر بنكور العجينة ونقردها بسيط العجينة حجمها اصغر من العيش العادي

‎


اما البقسماط نكور العجينة ثم نبرمها طوليا

لا نحلل النقل دون ذكر المصدر: منتدي الراقيات - منتدى نسائي للنساء فقط - معلومات عامة